16 წლის გოგო 500 ძროხაზე, 10,000 დოლარსა და 3 მანქანაზე გაყიდეს - აუქციონი ფეისბუქზე გაიმართა. ამის შესახებ ინფორმაცია „როიტერი“ ავრცელებს. სააგენტოს ცნობით, აუქციონი 25 ოქტომბერს გაიმართა, რომელშიც 5 მამაკაცი მონაწილეობდა.
ადგილობრივი მედიის ცნობით, აქუციონში მონაწილე ხუთივე მამაკაცი სამხრეთ სუდანის მთავრობაში სხვადასხვა თანამდებობებს იკავებს.
გავრცელებული ინფორმაციით, ოჯახმა, 17 წლის გოგო, პატარძლის სტატუსით, მდიდარ ბიზნესმენს 500 ძროხის, 3 ძვირადღირებული მანქანის და 10 000 დოლარის სანაცვლოდ მიჰყიდა.
სოციალური ქსელის ადმინისტრაციამ მომხდარის შესახებ გვიან შეიტყო - "წაშლილია აუქციონი, გოგონას ფოტო და მომხმარებელიც სოციალური პლატფორმის სტანდარტების დარღვევის გამო, ადამიანთა ტრეფიკინგის ნებისმიერი ფორმა სოციალურ ქსელში აკრძალულია და ისჯება კანონით".
უფლებადამცველები სუდანის ხელისუფლებას მოუწოდებენ მიიღონ შესაბამისი ზომები და სათანადოდ დაისაჯონ მომხდარში მონაწილე პირები.
UNICEF-ის ინფორმაციით, მიუხედავად იმისა, რომ სამხრეთ სუდანში ლეგალური ასაკი ქორწინებისთვის 18 წელია, 50%-ზე მეტი სუდანელი გოგო აღნიშნულ ასაკამდე ქორწინდება.