„ინტერპოლის“ პრეზიდენტად რუსი გენერლის არჩევის შემთხვევაში უკრაინა წევრობის შეჩერებას არ გამორიხცავს. უკრაინის შს მინისტრის არსენ ავაქოვის განცხადებით, პროკოპჩუკის არჩევა ეწინააღმდეგება ორგანიზაციის მიზნებს.
რუსი გენერლის არჩევის შემთხვევაში უკრაინა ინტერპოლის წევრობის შეჩერებას არ გამორიცხავს.
ინტერპოლი პრეზიდენტობის ყველაზე რეალური კანდიდატ, რუს გენერალ ალექსანდრე პროკოპჩუკთან ერთად, არის ორგანიზაციის ამჟამინდელი პრეზიდენტის მოვალეობის შემსრულებელი სამხრეთ კორეელი კიმ ჩენ იანგი. ალექსანდრე პროკოპჩუკი რუსეთის შინაგან საქმეთა სამინისტროს მაღალჩინოსანია. ის 2016 წლიდან იკავებს ინტერპოლის ვიცე-პრეზიდენტის თანამდებობას.
რუსი გენერლის ინტერპოლის პრეზიდენტად არჩევას ეწინააღმდეგებიან ამერიკელი სენატორები. რესპუბლიკელმა სენატორებმა მარკო რუბიომ და როჯერ უიკერმა, ასევე დემოკრატებმა, ჯინ შაჰინმა და კრის კუნსმა მიმართეს ინტერპოლის გენერალურ ასამბლეას და აშშ-ის პრეზიდენტს დონალდ ტრამპს, რომ არ დაუშვან რუსი გენერლის არჩევა.
სენატორების განცხადებით, რუსი გენერლის ინტერპოლის პრეზიდენტად არჩევა იგივეა, რომ მელას საქათმე ჩააბარო.
ამერიკელი სენატორები განცხადებაში აღნიშნავენ, რომ გენერალი პროკოპჩუკი მონაწილეობს ვლადიმერ პუტინის ავტორიტარული რეჟიმის გაძლიერებაში და ადამიანის უფლებების დარღვევის სხვადასხვა საქმეში.
დუბაიში, ინტერპოლის გენერალურ ასამბლეაზე წევრი ქვეყნები ორგანიზაციის ახალ პრეზიდენტს ხვალ, 21 ნოემბერს, აირჩევენ. გენერალური ასამბლეის სხდომაზე ახალი პრეზიდენტის არჩევის საკითხი მას შემდეგ დადგა დღის წესრიგში, რაც მისი მოქმედი პრეზიდენტი მენგ ჰონვეი, მიმდინარე წლის ოქტომბერში გაუჩინარდა. როგორც აღმოჩნდა ჰონვეის გაუჩინარება მისტიკურ მოვლენებთან არ იყო დაკავშირებული და ჩინეთის მთავრობის განცხადებით, ის კორუფციის ბრალდებით დააკავეს.
