“ევროპული საქართველოს” აჭარის ორგანიზაციის წევრებმა პარტია დატოვეს. ამის შესახებ განცხადება პარტიის ბათუმის ოფისში აჭარის რეგიონულმა ხელმძღვანელმა რაულ თავართქილაძემ გააკეთა.
აღნიშნული გადაწყვეტილების მიზეზი, რაულ თავართქილაძის თქმით, საპრეზიდენტო არჩევნების მეორე ტურში "ნაციონალური მოძრაობის" კანდიდატის მხარდაჭერა გახდა.
"2018 წლის საპრეზიდენტო არჩევნებში ჩვენ მხარი დავუჭირეთ ბატონ დავით ბაქრაძეს კანდიდატურა და სწორედ „ევროპული საქართველოს აჭარის რეგიონ ორგანიზაციის დამსახურებით პარტიამ 15 000-ზე მეტი ხმა მოიპოვა. ჩვენი მხრიდან დავით ბაქრაძის კანდიდატურის მხარდაჭერა განპირობებული იყო მისი დიპლომატიური გამოცდილებით და აქედან გამომდინარე გვჯეროდა, რომ ეს იყო ქვეყნის ევროპული არჩევანი.
მინდა მადლობა გადავუხადო ჩვენს ამომრჩევლებს და ამავდროულად ვაცნობო იმ გადაწყვეტილების შესახებ, რაც ჩვენმა გუნდა მიიღო. მეორე ტურში ჩვენთვის მიუღებელია ნაციონალური მოძრაობის, გრიგოლ ვაშაძის კანდიდატურის მხარდაჭერა, ჩვენ ვემიჯნებით რუსულ სცენარს, სააკაშვილის და ვარშალომიძის მობრუნებას და ამიტომ ჩვენ თანამებრძოლებთან ერთად, სრული შემადგენლობით ვტოვებთ პარტიის აჭარის ორგანიზაციას და მათ შორის ხულოს, ბათუმის, ქობულეთის ხელმძღვანელები", - განაცხადა თავართქილაძემ.