“მთავრობა ვერავის ჩამოაწერს ვალს, რადგან თავისას არაფერს ხარჯავს, მას ჩვენი ფული აქვს მიბარებული”, - ასე გამოეხმაურა „ევროპული საქართველოს“ წევრი ოთარ კახიძე მთავრობის მიერ დაანონსებულ ინიციატივას ჭარბვალიანობის პრობლემის დაძლევასთან დაკავშირებით.
„სახელმწიფო ბიუჯეტი არ წარმოადგენს ბატონიბიძინას ან რომელიმე სხვა პოლიტიკოსის პირად სალაროს. ის ჩვენი გადასახადებისგან შედგება და კერძო ვალების გასასტუმრებლად არ არის გათვალისწინებული.
არ შეიძლება, რომ იმას, ვინც თავის სესხს პატიოსნად იხდის, სხვისი ვალი დაუმატო გადასახდელად.
ივანიშვილს აქვს სახელმწიფო ბიუჯეტზე მეტი პირადი აქტივი და შეუძლია, თამამად დაუბრუნდეს ქველმოქმედებას. მერე უნდა უფასო ფული გასცეს, უნდა უპროცენტო კრედიტი და უნდა საჩუქრებად არიგოს, მისი საქმეა”, - წერს კახიძე ფეისბუქზე.
შეგასხსენებთ, რომ დღეს, გაერთიანებული ოპოზიციის საპრეზიდენტო კანდიდატმა გრიგოლ ვაშაძემ სპეციალურ ბრიფინგზე ბანკების მიერ ქვეყანაში შექმნილ მონოპოლიას გაპროტესტა და მოუწოდა მთავრობას დაუყოვნებლივ უზრუნველყოს მოქალაქეების მოვალეთა ე.წ. შავი სიებიდან ამოღება და მათი ვალები გადაიბაროს სახელმწიფომ.
მოგვიანებით, თბილისის მერმა და პარტია „ქართული ოცნების“ გენერალურმა მდივანი კახა კალაძე გრიგოლ ვაშაძეს გამოეხმაურა და განაცხადა, რომ, ხვალ პრემიერი გამოაცხადებს უმნიშვნელოვანეს გადაწყვეტიელებას ჭარბვალიანობის დაძლევის გზაზე.