ღმერთმა ინებოს, რომ პრეზიდენტის არჩევნები მშვიდობით ჩატარდეს, - ამის შესახებ საქართველოს მართლმადიდებელი ეკლესიის პატრიარქმა ილია მეორემ სამების ტაძარში ქადაგებისას განაცხადა.
მისი თქმით, ღმერთმა ინებოს, რომ მშვიდობა იყოს ეკლესიასა და ქვეყანაში.
"ღმერთმა ინებოს, რომ ის არჩევნები, რომელიც მომავალში უნდა იყოს საქართველოში, პრეზიდენტის არჩევნები, მშვიდობით ჩატარდეს. ღმერთი მოწყალეა", - განაცხადა ილია მეორემ.
ცნობისთვის, საპრეზიდენტო არჩევნები 28 ნოემბერს გაიმართება.