მოვუწოდებ ბიძინა ივანიშვილს, მოხსნას სალომე ზურაბიშვილის კანდიდატურა, - ამის შესახებ პაატა ბურჭულაძემ გორში, გრიგოლ ვაშაძის ამომრჩეველთან შეხვედრისას განაცხადა.
მისი თქმით, ქართველმა ხალხმა არ ისურვა მონობა და პასუხი გასცა საქართველოს მავნებლურ მთავრობას.
"ეს ყველაფერი უკვე გაფორმდება, როდესაც დანიშნავენ არჩევნების მეორე ტურს. მოვუწოდებ ბიძინა ივანიშვილს, მოხსნას სალომე ზურაბიშვილის კანდიდატურა. წარმოუდგენელია, სალომე ვერ გაიმარჯვებს, ქართველ ხალხს არ უნდა ეს. თვითონაც ხვდება ეს ქალბატონი და ამიტომაა, რომ დამალეს და ვერ გამოდის ვერსად. ეს ფული კი, რომელიც ქართველი ხალხის ნების საწინააღმდეგოდ უნდა დაიხარჯოს, მოვიდნენ ფონდ „იავნანაში” და ბევრ სასიკეთო საქმეს გააკეთებენ. ვთხოვ, მოდით ჩვენთან და მოგცემთ საშუალებას, სიკეთე გააკეთოთ", – განაცხადა ბურჭულაძემ.