სისტემური კორუფცია დავამარცხეთ 2012 წლის შემდეგ, როდესაც მოვედით ხელისუფლებაში, – ამის შესახებ „ქართული ოცნების“ გენერალურმა მდივანმა კახა კალაძემ საქართველოს მიერ ასოცირების შეთანხმების შესრულების შესახებ ევროპარლამენტის ანგარიშის შეფასებისას განაცხადა.
მისი თქმით, კორუფცია ყველა ქვეყანაში არის გამოწვევა.
„კქვეყანაში 2012 წლამდე სისტემური კორუფცია მართლაც იყო და ეს იყო სერიოზული პრობლემა. შეიძლება ქვედა დონეზე არის გადაცდომები და ვიბრძოლებთ, ყველაფერს გავაკეთებთ, რომ ეს გადაცდომები არ არსებობდეს“, – განაცხადა კახა კალაძემ.
ცნობისთვის, საქართველოს მიერ ასოცირების შეთანხმების შესრულების შესახებ ევროპარლამენტის ანგარიშის მიხედვით, მაღალი დონის ელიტური კორუფცია საქართველოსთვის კვლავ რჩება სერიოზულ საკითხად.
