გაუგონარ თაღლითობას აქვს ადგილი ცესკო-ს მხრიდან, მთავარი თაღლითი არის თამარ ჟვანია, - ამის შესახებ გაერთიანებული შტაბის ხელმძღვანელმა გრიგოლ ვაშაძემ ცესკო-ში განაცხადა, სადაც სხდომაზე დასასწრებად მივიდა.
მისი თქმით, თამარ ჟვანია ასრულებს ყველა დავალებას, რასაც "ქართული ოცნების" შტაბიდან იღებს.
„ყველანი მოვედით სხდომაზე დასასწრებად და გზაში ჟურნალისტმა დამირეკა, რომ სხდომა გადაიდო.
სამარცხვინოა, ცენტრალური საარჩევნო კომისია ჩვეულებრივ თაღლითურ ორგანიზაციად ჩამოყალიბდა. მთავარი თაღლითი არის თამარ ჟვანია, რომელიც ასრულებს ყველა დავალებას, რასაც "ქართული ოცნების" შტაბიდან იღებს. ეს მათ ვერ უშველით. მითუ მეტეს, დღეს გამოქვეყნდა "ედისონ რისერჩის" კვლევები, სადაც 12%-ით იგებს გრიგოლ ვაშაძე. გამარჯვებას ვერ გამოგვტაცებენ ამ თაღლითური სქემებით ვერც ერთ შემთხვევაში", - განაცხადა ვაშაძემ.
ცნობისთვის, ცესკო-ს სხდომა გადაიდო და ის სავარაუდოდ, დღეს 19:00 საათზე გაიმართება.