ბედნიერი ვარ, რომ წამოვედი მთავრობიდან, იქ არაფრის კეთება არ შეიძლებოდა, - განაცხადა შერიგებისა და სამოქალაქო თანასწორობის საკითხებში ყოფილმა სახელმწიფო მინისტრმა პაატა ზაქარეიშვილმა პალიტრანიუსის ეთერში.
„მე არ ვარ განაწყეენებული, მე ძალიან კმაყოფილი ვარ, რომ ვიყავი მთავრობაში და ძალიან ბედნიერი ვარ, რომ წამოვედი მთავრობიდან. მე ვნახე, რომ იქ არაფრის კეთება არ შეიძლებოდა, ჩემს სფეროში მაინც. კონფლიქტების მოგვარებაში, რელიგიურ უმცირესობებში, ეთნიკურ უმცირესობებში - სრულიად აკონტროლებს სიტუაციას უშიშროება და მე იქ ტყუილად ვიკავებდი ადგილს, ხელფასიც ცოტა იყო და მე ძალიან კმაყოფილი ვარ, რომ წამოვედი. ძალიან კარგია, რომ ჩავიხედე, დავმშვიდდი, მივხვდი, რომ დიდი ხანი ამ სფეროებში ქვეყანას არ ეშველება და წამოვედი“, - განაცხადა ზაქარეიშვილმა.