თარიღი    დრო

ტურიზმის ეროვნულმა ადმინისტრაციამ ელექტრონული ბიბლიოთეკა შექმნა

საქართველო, თბილისი - 11:18 11.14.2018 147

ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ ელექტრონული ბიბლიოთეკა შექმნა. ონლაინ ბიბლიოთეკის პრეზენტაცია ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ  სასტუმრო Rooms Hotel Tbilisi-ში გამართა.

ტურიზმის ელექტრონულ ბიბლიოთეკაში მომხმარებლებს წიგნების, ბროშურების, პრეზენტაციების და ნაშრომების ფართო არჩევანი აქვთ. თემატიკა მოიცავს ყველა მნიშვნელოვან ტურიზმის ტიპს, რომლის ჩამოტვირთვაც უფასოა. 

ტურიზმის ელექტრონული ბიბლიოთეკა მნიშვნელოვანი პლატფორმაა სახელმწიფო, კერძო და აკადემიურ სფეროს შორის თანამშრომლობის წახალისებისთვის.

  • ტურისტულ კომპანიებს, განთავსების საშუალებებს და სხვა ტურიზმთან ასოცირებულ საწარმოებს შეუძლიათ მიიღონ ტურიზმის სხვადასხვა ტიპის შესახებ კვლევები, ბროშურები, რუკები და სხვა მარკეტინგული მასალა მათთვის საინტერესო ენაზე;
  • უნივერსიტეტების პროფესორებს და სტუდენტებს აქვთ წვდომა ელექტრონულ წიგნებსა და სამეცნიერო ნაშრომებზე;
  • უცხოეთში მყოფი მოქალაქეები და საკონსულოები მარტივად იძიებენ მათთვის საინტერესო საქართველოს ტურისტული პროდუქტის შესახებ ინფორმაციას.

მსოფლიოს მასშტაბით  ტურიზმის სფეროში შექმნილი სამეცნიერო, მარკეტინგული და სხვა ტიპის მასალები უმნიშვნელოვანეს როლს თამაშობს ტურიზმის განვითარებაში.  დღეისათვის საქართველოში საკმაოდ ბევრი ადამიანი მუშაობს ტურიზმის სექტორის შესწავლის კუთხით. თუმცა მათი ნაშრომები ძირითადად მხოლოდ საზოგადოების მცირე ნაწილისთვის არის  ცნობილი.  ელექტრონული ბიბლიოთეკა სწორედ ამ პრობლემის მოგვარების საშუალებაა. იგი ტურიზმის სფეროთი დაინტერესებულ მხარეებს უზრუნველყოფს ყველა სახის ინფორმაციით. 

ელექტრონული ბიბლიოთეკა წლის ბოლომდე სატესტო რეჟიმში ფუნქციონირებს, პირველადმა სატესტო ვერსიამ უკვე  მოწონება დაიმსახურა სხვადასხვა  სეგმენტში, მათ შორის  უნივერსიტეტის პროფესორებს, სტუდენტებსა და ტურისტულ კომპანიებს შორის.

ელექტრონული ბიბლიოთეკის მისამართი: https://gnta.ge/ge/publications/




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%