საქართველო არის მოწინავე სახელმწიფო, ის ევროპული ღირებულებების მიმართ ერთგულებით რეგიონში ვარსკვლავია, რაც ადასტურებს, რომ ქვეყანას ევროპული მომავალი აქვს, – ამის შესახებ ევროპარლამენტარმა კლერ მუდიმ განაცხადა.
მან საქართველოს შესახებ ანგარიშისთვის მომხსენებელ ანდრეს მამიკინსს მადლობა გადაუხადა და თქვა, რომ ეს მართლაც ძალიან მნიშვნელოვანი ანგარიშია და კარგად აჩვენებს, რა გაკეთდა ასოცირების ხელშეკრულების ძალაში შესვლის შემდეგ.
„ჩვენ მივესალმებით რეფორმებსა და მიღწეულ პროგრესს. მივესალმებით იმ საერთო მხარდაჭერას, რომელიც საქართველოს აქვს ევროპულ ორიენტაციასთან მიმართებით. ანგარიშში საუბარია საქართველოს ტერიტორიულ მთლიანობაზე. ამ საკითხზე ყოველთვის ძალიან მკაფიო უნდა ვიყოთ“, – განაცხადა კლერ მუდიმ.