ამის საფუძველი არის „ქართული ოცნება“, რომელმაც ბოლო 6 წლის განმავლობაში დაამკვიდრა ძალადობა, სიძულვილის ენა და ძალადობრივი ქმედებები, როგორიც იყო ახალქალაქში, - ამის შესახებ „ევროპული საქართველოს“ წევრმა სერგო რატიანმა საქართველოში ევროკავშირის ელჩის განცხადებასთან დაკავშირებით აღნიშნა.
მისი თქმით, დესტაბილიზაციის საფრთხე ხელისუფლებისგან მოდის.
„ქართული საზოგადოება, ოპოზიცია და ასევე არასამთავრობოები ვართ გარანტი ამ ქვეყანაში იმისა, რომ იქნება სტაბილურობა, მშვიდობიანად ჩაივლის არჩევნები და „ქართული ოცნება“ ყოველგვარი დიდი რყევების გარეშე მოსცილდება ხელისუფლებას. დღეს ამის გარანტი ვერ არის ხელისუფლება, მათგან მოდის დესტაბილიზაციის საფრთხე“, - განაცხადა სერგო რატიანმა.
ცნობისთვის, საქართველოში ევროკავშირის ელჩმა საარჩევნო კამპანია ნეგატიურად შეაფასა.
