სერბეთის მართლმადიდებლური ეკლესიის წმინდა სინოდის გადაწყვეტილებით, სერბეთის ეკლესია მხარს არ უჭერს უკრაინის ავტოკეფალიასთან დაკავშირებით კონსტანტინოპოლის საპატრიარქოს გადაწყვეტილებას. ამავე დროს, სერბეთის საპატრიარქოს გადაწყვეტილებით ისინი უკრაინის საპატრიარქოსთან კანონიკურ კავშირს არ დაამყარებენ.
თუმცა მიუხედავად ამ გადაწყვეტილებისა, სერბეთის ეკლესია მიიჩნევს, რომ უკრაინის ავტოკეფალიის მინიჭების საკითხთან დაკავშირებით, აუცილებელია, მართლმადიდებლურმა ეკლესიებმა ერთობლივად იმსჯელონ და მხოლოდ ამის შემდეგ მიიღონ ერთიანი გადაწყვეტილება.
შეგახსენებთ, რომ კონსტანტინოპოლის საპატრიარქოს წმინდა სინოდმა უკრაინის ეკლესიისთვის ავტოკეფალიის მინიჭების პროცესი დაიწყო.
კონსტანტინოპოლის საპატრიარქოს პასუხად, მოსკოვის საპატრიარქომ მინსკში ჩატარებული სინოდის სხდომის გადაწყვეტილებით, მსოფლიო საპატრიარქოსთან ევქარისტიული კავშირი სრულად გაწყვიტა.
ამ დროისთვის, უკრაინის ეკლესიის ავტოკეფალიის საკითხს მხარს უჭერს კვიპროსის ეკლესია.
