ღმერთმა არ ქნას, ეს ხელისუფლება იყოს საქართველოში მომავალი წლის გაზაფხულზე, - ამის შესახებ საქართველოს ყოფილმა პრეზიენტმა მიხეილ სააკაშვილმა ვიდეომიმართვაშ განაცხადა. მისი თქმით, თუ ეს ხელისუფლება იყო და დარჩა, აღარ იქნება ჩვენი ქვეყანა.
„ჰააგის ისტორია არის ძალიან კონკრეტული და ძალიან საშიში საქართველოსთვის. მე მინდა ამაზე ყველა დავფიქრდეთ“, - განაცხადა სააკაშილმა და აღნიშნა, რომ როდესაც თავად იყო პრეზიდენტი, საქართველომ დაიწყო აგვისტოს ომის გამოძიება, რომლის შედეგებსაც დაეყრდნობოდა ჰააგის სასამართლო. მისი თქმით, როდესაც ქვეყანა აწარმოებს გამოძიებას, საერთაშორისო სასამართლო ეყრდნობა მის შედეგებს.
„მოვიდნენ თუ არა ესენი, თეა წულუკიანმა, მე ეჭვი მაქვს ივანიშვილის დავალებით, მოახდინა ხელოვნური აბორტი, ამ სამართლებრივი პროცესის. მან შეწყვიტა გამოძიება, ქართული. თქვა რომ საქართველოს მეტს ვეღარ გამოძიებს, რითაც აიძულა საერთაშორისო სასამართლო წაეღო ეს საქმე. ქართულმა მხარემ მოახდინა საქმის წაღება ჰააგაში.... მე კარგად მახსოვს, მედვედევი ამბობდა 2008 თუ 2009 წელს, რომ სულ ცოტა დრო დაგვჭირდება და საერთაშორისო სასამართლო აუცილებლად გაასამართლებს ქართველებს. ამავე დროს, როცა წულუკიანი აიძულებს საერთაშორისო სასამართლოს დაიწყოს გამოძიება, რუსეთი გადის რომის სტატუსიდან და სასამართლოს შეუთვალა - სანამ ქართველებს არ დააპატიმრებთ უკან არ ვბრუნდებით. რა თქმა უნდა, რუსეთის ყოფნა სასამართლოს უნდა და სასმართლო კიდებს ხელს ქართველი სამხედროების გამოძიებას“, - ამბობს სააკაშვილი ვიდეომიმართვაში და აღნიშნავს, რომ მის ხელთ არსებული ინფორმაციით, სუსის წარმომადგენლები ქართველ სამხედროებს უტარებენ ინსტრუქტაჟს, თუ როგორ უნდა გასცენ კითხვებს პასუხი.
„რაღაც ნაწილი კითხვებს სცემენ ისე პასუხს, რომ საქართველოს იქნეს დადანაშაულებული. ერთი სიტყვით, ეს პროცესი კიდე გაგრძელდება რამდენიმე თვე და შემდეგ არის ალბათობა, რომ თუ ასე გაგრძელდა, ბევრი ქართველი ოფიცერი, რომლებმაც დაიცვეს ჩვენი სამშობლო, აღმოჩნდეს განსასჯელთა სკამზე. არ გამოვრიცხავ რომ იქ კოკოითიც აღმოჩნდეს და სხვებიც, თუმცა რუსეთი არ გადასცემს. ჩვენს სამხედროებს საქართველოს მთავრობა გადასცემს, დიდი სიამოვნებით. ამის შედეგად აღმოჩნდება რომ საქართველომ ჩაიდინა სამხედრო დანაშაულები და რა თქმა უნდა, შემდეგ საუბარი წავა იმ განგრენების, როგორც ამას სალომე ზურაბიშვილი ეძახის, აფხაზეთისა და ცხინვალის რეგიონის დამოუკიდებლობის აღიარების. მოხდება საქართველოს სერბეთიზაცია და ამ ტერიტორების კოსოვიზიაცია. ეს არის გეგმა, რომელსაც ივანიშვილი განუხრელად მიჰყვება. როდესაც ის იძახის, რომ ერთ წელიწადში დავალაგებ საქმეს, ის სწორედ ამას გულისხმობს. ის იმას კი არ გულისმობს რომ ხელფასებს მოგიმატებთ, ხომ თქვა ფული მაინც არ არისო, პენსიებს მოგიმატებთ, მართლა კრედიტებს გადაგივადებთ, ის გულისხმობს რომ დაკეტავს რუსთავი 2-ს და ნუ, თუ მთლად ჩემ გასამართლებას ვერ მიაღწევს ჰააგაში, მიაღწევს მსხვილი ნაციონალის ან ქართველ სამხედროების, რაშიც დაადანაშაულებს ნაციონალურ მოძრაობას. ეს არის ძალიან ბინძური, ძალიან გამჭვირვალე თამაში“, - განაცხადა სააკაშვილმა.