მეტროსსადგურ „ისანში“ ლიანდაგებში მამაკაცი ჩავარდა.
თბილისის სატრანსპორტო კომპანიის ინფორმაციით, ადგილზე სამედიცინო დახმარების ბრიგადა იყო გამოძახებული, თუმცა, მამაკაცს დახმარება არ დასჭირდა. იგი თავს კარგად გრძნობდა.
მათივე ცნობით, ლიანდაგებში ჩავარდნილი მგზავრის ამოსაყვანად მოძრავი მატარებელი გვირაბშივე გაჩერდა, რის შემდეგაც ლიანდაგებზე ძაბვა მოიხსნა და მამაკაცი უვნებლად ამოიყვანეს.
მომხდარის გამო მეტროში მოძრაობა 15 წუთით შეფერხდა.