აშშ-ში, კალიფორნიის შტატში გაჩენილი ძლიერი ხანძრის შედეგად დაღუპულთა რიცხვმა 31-ს მიაღწია.
ტყეში გაჩენილმა ხანძარმა კალიფორნიის ჩრდილოეთით მდებარე ქალაქი პარადაიზი მთლიანად გაანადგურა. ადგილობრივი მედიის ცნობით, დამწვარია ათობით სახლი.
ქარის გაძლიერება ქმნის საშიშროებას, რომ ხანძრის გავრცელების არეალი კიდევ უფრო გაიზრდება. შტატის ხელისუფლება მოუწოდებს ამერიკის პრეზიდენტს, რეგიონში კატასტროფული მდგომარეობა გამოაცხადოს.
ხანძარი გასულ კვირას, ხუთშაბათ დილით დაიწყო. ბოლო მონაცემებით, სტიქიამ 44 ათასი ჰექტარი ტერიტორია გაანადგურა. ევაკუირებულია 200 ათასზე მეტი ოჯახი.