აშშ-ის კონგრესის არჩევნებში წარმომადგენელთა პალატაში უმრავლესობა დემოკრატებმა მოიპოვეს. წარმომადგენელთა პალატაში უმრავლესობის მისაღებად, დემოკრატებს მინიმუმ 218 მანდატი უნდა მოეპოვებინათ. ამ დროისთვის, დემოკრატები 222 მანდატს ფლობენ, რაც მათ წარმომადგენელთა პალატაზე კონტროლის დამყარების საშუალებას აძლევს. რესპუბლიკელებმა მხოლოდ 199 მანდატის მოპოვება შეძლეს.
რესპუბლიკელებმა მოახერხეს შეენარჩუნებინათ სენატში უმრავლესობა, სადაც მათ უკვე 51 ადგილი აქვთ მოპოვებული, დემოკრატებს კი 45 ადგილი.
არჩევნებამდე, აშშ-ის საკანონმდებლო ორგანოს ორივე პალატას რესპუბლიკელები აკონტროლებდნენ, სენატის 100 წევრიდან 51 რესპუბლიკელი იყო, 47 - დემოკრატი, 2 - დამოუკიდებელი კანდიდატი. წარმომადგენელთა პალატაში რესპუბლიკელები 238 მანდატს ფლობდნენ, დემოკრატები კი 197-ს.