აშშ-ის ის უმაღლესი საკანონმდებლო ორგანოს ისტორიაში პირველად, შუალედურ არჩევნებში, ორი მუსლიმი ქალი - რაშიდა თლაიბი და ილჰან ომარი აირჩიეს.
რაშიდა თლაიბი წარმომადგენელთა პალატაში მიჩიგანის მანდატის მოპოვებისთვის იბრძოდა. არჩევნების დასრულების შემდეგ, ის კონგრესში დემოკრატიულ პარტიას წარმოადგენს. რაშიდა თლაიბი წარმოშობით პალესტინელია. მისი ოჯახი პალესტინიდან აშშ-ში საცხოვრებლად რაშიდას დაბადებამდე გადასახლდა.
ილჰან ომარი დემოკრატების კანდიდატი იყო მინესოტიდან წარმომადგენელთა პალატაში. ის წარმოშობით სომალიდანაა.
კონგრესის შუალედურ არჩევნებში უპრეცენდენტო რაოდენობის ქალი კანდიდატი იღებდა მონაწილეობას. 277 ქალი კანდიდატიდან, რომლებიც წარმომადგენელთა პალატისა და სენატის მანდატის მოპოვებისა და გუბერნატორობისთვის იბრძოდნენ, ამ დროისთვის 61-მა მათგანმა გაიმარჯვა.
შეგახსენებთ, რომ აშშ-ში კონგრესის შუალედური არჩევნები ჩატარდა. წინასწარი მონაცემებით, რესპუბლიკელებმა მოახერხეს სენატში უმრავლესობის შენარჩუნება, ხოლო წარმომადგენელთა პალატაში, ამ ეტაპზე, დემოკრატები მცირედით ლიდერობენ, 195 მანდატით.