თარიღი    დრო

დღეს, აშშ-ში კონგრესის არჩევნები ჩატარდება

საქართველო, თბილისი - 09:49 11.06.2018 270

6 ნოემბერს აშშ-ში საკანონმდებლო ორგანოს, კონგრესის არჩევნები გაიმართება. ქვეყნის მოქალაქეები წარმომადგენელთა პალატის ყველა წევრს, ანუ 435 კონგრესმენს, ხოლო სენატის 100-დან 35 წევრს აირჩევენ. გარდა ამისა, ამერიკელები 36 შტატში გუბერნატორებს აირჩევენ. ინფორმაციას რადიო „ამერიკის ხმა“ ავრცელებს.

დღევანდელ არჩევნებზე, ამომრჩევლები გადაწყვეტენ, თუ რომელი პარტია გააკონტროლებს წარმომადგენელთა პალატას. დღევანდელი მონაცემებით, კონგრესის ორივე პალატას რესპუბლიკური პარტია აკონტროლებს. სწორედ ამიტომ არის ეს დღე განსაკუთრებით მნიშვნელოვანი დემოკრატებისთვის, რადგან ისინი ცდილობენ რესპუბლიკელების პარტიული მონოპოლიის გარღვევას.

სხვადასხვა შტატში ამომრჩევლებს ბიულეტენზე განსხვავებულ კითხვებსაც დაუსვამენ. მათ შორის: უნდა მოხდეს თუ არა მარიხუანის ლეგალიზაცია, უნდა ჰქონდეთ თუ არა პატიმრებს ხმის მიცემის უფლება, გაფართოვდეს თუ არა სამედიცინო დახმარების პროგრამები, რა ტიპის საიდენტიფიკაციო საბუთი უნდა იყოს საკმარისი ხმის მისაცემად და მრავალი სხვა.

ამ არჩევნებს შუალედურ არჩევნებს უწოდებენ, რადგან ის ყოველ ოთხ წელში ერთხელ, საპრეზიდენტო არჩევნებს შორის იმართება. 




Tavdacva

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.6%
შემცირდა 11.5%
არ შეცვლილა 2.9%