გლობალურმა ეკონომიკურმა კრიზისმა მსოფლიოს განვითარებულ ქვეყნებში მიგრანტების დენადობის შემცირება გამოიწვია. უმუშევრობის ზრდის შედეგად 2009 წელს შემცირდა ეკონომიკურად განვითარებული ქვეყნებიდან მიგრანტების მიერ თავიანთ ქვეყნებში ფულადი გადარიცხვების მოცულობა.
აღნიშნული ტენდენცია განსაკუთრებით აღმოსავლეთ ევროპისა და ცენტრალური აზიის ქვეყნებში შეიმჩნევა. ამ რეგიონებიდან შრომითმა მიგრანტებმა ახლობლებსა და ნათესავებს 21 %-ით ნაკლები თანხა ჩაურიცხეს, ვიდრე 2008 წელს.
მთლიანად მიგრანტების მიერ დაბალი და საშუალო შემოსავლების მქონე ქვეყნებში ფულადმა გადარიცხვებმა 2009 წელს 316 მლრდ. დოლარი შეადგინა, რაც 6 %-ით ნაკლებია 2008 წელთან შედარებით.
დღეისათვის მსოფლიოში აღრიცხულია 2014 მლნ-ზე მეტი მიგრანტი, ყოველი ათიდან ექვსი მათგანი განვითარებულ ქვეყანაში საქმიანობს.