თემქაზე, 20 წლის ანა ნაცვლიშვილის მკვლელობის საქმეზე ბრალდებულ ლადო გრიგალაშვილის ადვოკატი, ნაირა ოტიაშვილი აცხადებს, რომ დღეს დაკითხულმა მოწმემ, რომელიც ბრალდებულის მამაა, სასამართლოს მნიშვნელოვანი ინფორმაცია მიაწოდა.
"ზაქარია გრიგალაშვილი იყო როგორც ბრალდების ასევე დაცვის მოწმე. მან დეტალურად აღწერა ყველაფერი რაც საქმეზე იცოდა. აქედან შეფასება შეიძლება გაკეთდეს ის, რომ სრულიად გამორიცხა ანა ნაცვლიშვილის მკვლელობა თავისი შვილის მიერ. მან ეს გამორიცხა ფაქტების ჩვენებით.
ჩვენთვის მნიშვნელოვანი იყო ის, რომ ლადო გრიგალაშვილს ანა ნაცვლიშვილი უყვარდა საკუთარ სიცოცხლეზე მეტად.
სხვა მოწმეებმაც ანალოგიურად გამორიცხეს ლადო გრიგალაშვილოს ბრალეულობა.
ჩვენ ჩანიშნული გვაქვს ალტერნატიული ექსპერტიზა, რადგან სამხარაულის ექსპერტიზს ბიურომ ვერ დაადგინა არის თუ არა, მტკიცებულების სახით ამოღებული მკვლელობის საგანი. ეს კითხვა დღესაც პასუხგაუცემელია და ვიმედოვნებთ, რომ ჩვენი ექსპერტიზა პასუხს გასცემს ამ კითხვებს. დღეს ფაქტობრივად დანაშაულის იარაღი არ გვაქვს", - აცხადებს ოტიაშვილი.
