ჩვენ მივიღეთ მნიშვნელოვანი ინფორმაცია, როგორც ბრალდების, ასევე დაცვის მხარის მოწმის დაკითხვის მიმდინარეობისას, - განაცხადა თემქაზე მოკლული ანა ნაცვლიშვილის მკვლელობის საქმის პროკურორმა, გრიგოლ ბიბილაშვილმა.
დღეს ბრალდების მხარის მტკიცებულებების მოკვლევა დასრულდა.
"დღეს დავკითხეთ ბრალდებულის მამა, მისი კუთვნილი ავტომობილის ჩხრეკასთან დაკავშირებით, რა დროსაც ამოვიღეთ დანა. ჩვენ მივიღეთ მნიშვნელოვანი ინფორმაცია როგორც ბრალდების, ასევე დაცვის მხარის მოწმის დაკითხვის მიმდინარეობისას.
შემდეგი სხდომა გაგრძელდება 9 ნოემბერს და დაცვის მხარის მტკიცებულებები იქნება წარმოდგენილი", - აცხადებს ბიბილაშვილი.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
