თემქაზე, 20 წლის ანა ნაცვლიშვილის მკვლელობის საქმეზე სასამართლოში ჩვენება ლადო გრიგალაშვილის მამამ, ზაქარია გრიგალაშვილმა მისცა.
მისი ჩვენებით, მკვლელობის ღამეს, მას ლადო გრიგალაშვილმა აღელვებული ხმით დაურეკა და უთხრა, რომ მის შეყვარებულს, ანა ნაცვლიშვილს ურეკავდა, ზარი გადიოდა, მაგრამ არ პასუხობდა და როგორ შეიძლებოდა მისი ადგილმდებარეობის დადგენა. აღნიშნულთან დაკავშირებით, მას ზაქარია გრიგალაშვილმა განუმარტა, რომ ეს მის კომპეტენციაში კი არა, კრიმინალური პოლოციის კომპენტენციაში შედიოდა.
"ლადომ დამირეკა, ანა ნაცვლიშვილი დაკარგულია, ვერ პოულობენ და ვეძებთ მეგობრებთან ერთად, ვკითხე იცოდნენ თუ არა მისმა მშობლებმა. დედამ და დამ იციან და მამას ძინავსო, მითხრა. ვუთხარი გაეღვიძებინათ მამა, რათა ვითარებაში გარკვეულიყვნენ. დაახლოებით, საათნახევარში მითხრა, ანას დედა ხშირად ურეკავდა და მის ტელეფონზე პოლიციის თამაშრომელმა უპასუხა, ანა ცუდად გამხდარა და მეხუთე საავადმყოფოში წაუყვანიათო.
მე ვარკეთილში ვარო და მთხოვა მეხუთე საავადმყოფოში მივსულიყავი.
ლადო ჩემი კუთვნილი ავტომანქანით მოვიდა იქ. როცა ლადომ ტელეფონზე დარეკვა დააპირა, ეზოში პოლიციის მანქანა შემოვიდა, იკითხეს, ალადო გრიგალაშვი რომელიაო, თემქაზე, მეშვიდე განყოფილებაში ჩაგვიყვანეს. ლადომ იქ დაახლოებით 2 საათი დაჰყო. 2 საათში ის ქალაქის სამმართველოში დასაკითხად გადაიყვანეს. შემდეგ გავარკვიე რომ ანა ნაცვლიშვილი გარდაცვლილი იყო...
ჩხრეკის ჩატარების შემდეგ გამომძიებელმა ირაკლი ფიფიამ დამირეკა და განმიმარტა, რომ ჩემი შვილი ანა ნაცვლიშვილის მკვლელობის საქმეზე იყო დაკავებული, შემდეგ მოხდა ჩემი გამოკითხვა.
ავტომანქანის მარჯვენა ჯიბიდან ჩემი კუთვნილი დანა იქნა ამოღებული ქარქაშთან ერთად და ასევე, ანაწმენდები", - აცხადებს გრიგალაშვილი.