ასეთი მძიმე, ასეთი ცუდი წინასაარჩევნო კამპანია 2012 წელს ვნახე, - ამის შესახებ თბილისის მერმა კახა კალაძემ წინასაარჩევნო კამპანიასთან დაკავშირებით განაცხადა.
მისი თქმით, ამ ცუდი კამპანიის ავტორები დღესაც ჩვეულ რეჟიმში აგრძელებენ საარჩევნო კამპანიის წარმოებას.
„2012 წლის საარჩევნო კამპანიის ავტორები დღესაც იმავე სტილში აგრძელებენ. ეს არის დისკრედიტაცია, პირადი შეურაცხყოფა და ბევრი ცუდი რამის დაბრალება. დეტალებში არ ჩავუღრმავდები. რაც შეეხება სალომე ზურაბიშვილს, ის მართლაც აწარმოებს ევროპული სტილის საარჩევნო კამპანიას. მთელი ამ ხნის განმავლობაში მას ერთი ცუდი სიტყვაც კი არ დასცდენია თავის ოპონენტებზე და არ მოუხსენებია არასწორად. დარწმუნებული ვარ, საერთაშორისო სადამკვირვებლო ორგანიზაციები ყველაფერს ასახავენ და ეს ყველაფერი იქნება წარმოდგენილი“, - განაცხადა კახა კალაძემ.
მისივე თქმით, აღნიშნულ საკითხზე ადგილობრივი არასამთავრობო ორგანიზაციებისგან ობიექტური შეფასებების მოლოდინი ნამდვილად არ აქვს.
