იუსტიციის უმაღლესმა საბჭომ მედიის წარმომადგენლებთან სამუშაო შეხვედრა გამართა. აღნიშნული შეხვედრა 19-21 ოქტომბერს, კახეთში, ევროკავშირის სასამართლო მხარდაჭერის პროექტის (EU4Justice) ხელშეწყობით ჩატარდა.
ახალი კონსტიტუცია და იუსტიციის უმაღლესი საბჭოს ფუნქციები, ანგარიშვალდებული და ეფექტიანი სასამართლო სისტემა, მოსამართლეთა გამწესება და განათლება, გადატვირთულობის პრობლემა სასამართლოში - ეს ის საკითხებია, რაზეც სემინარის მონაწილეებმა ისაუბრეს.
სხვადასხვა აქტუალურ თემებზე მოხსენება გააკეთეს იუსტიციის უმაღლესი საბჭოს მდივანმა, გიორგი მიქაუტაძემ და საბჭოს წევრებმა. შეხვედრა კითხვა-პასუხის რეჟიმში წარიმართა. გაიმართა შემაჯამებელი დისკუსიაც.
იუსტიციის უმაღლესი საბჭოს წევრებმა სასამართლო რეფორმის პროცესში მედიის როლის შესახებ ჟურნალისტების მოსაზრებები მოისმინეს. სამუშაო შეხვედრას დამოუკიდებელი ინსპექტორი, სხვადასხვა მედიასაშუალებისა და დონორი ორგანიზაციის წარმომადგნლები დაესწრნენ.