იუსტიციის უმაღლესი საბჭოს ზოგიერთი არამოსამართლე წევრი კაბინეტში იბარებს გამოსაცდელ ვადაში მყოფ მოსამართლეებს, რომელთა შეფასებასაც ახორციელებს, - ამის შესახებ იუსტიციის უმაღლესი საბჭოს მოსამართლე წევრმა, სერგო მეთოფიშვილმა სხდომის დაწყებამდე ჯურნალისტებთან განაცხადა.
ის არ აკონკრეტებს, თუ ვის გულისხმობს, თუმცა, განმარტავს, რომ ეს მანკიერი პრაქტიკაა.
"მე თავს შევიკავებ არამოსამართლე წევრების გვარების დასახელებისგან, არ ვიტყვი, მაგრამ მინდა, იცოდეთ, ეს არის მანკიერი პრაქტიკა. არასწორია. საბჭოს წევრი არ არის მოსამართლის ზედამხედველი, არ არის მოსამართლის დირექტორი და არ არის მოსამართლის უფროსი, დაიბაროს მოსამართლე და გაესაუბროს თავის კაბინეტში. ვფიქრობთ, მოსამართლეებს პატივისცემით უნდა მოეპყროს ყველა, მით უმეტეს საბჭოს წევრი და არა დაბარებებით ესაუბროს“, – აცხადებს მეთოფიშვილი.