თბილისში, 115-ე საჯარო სკოლაში, მე-11 კლასის მოსწავლეს მანდატურმა მარიხუანა აღმოუჩინა.
არსებული ინფორმაციით, სკოლაში მანდატურებმა მარიხუანას სუნი იგრძნეს, სწორედ ამის შემდეგ ჩატარდა ჩხრეკა და მარიხუანა მოსწავლის ჩხრეკის დროს ამოიღეს.
სკოლის დირექტორის მოვალეობის შემსრულებელი "რუსთავი 2"-თან საუბრისას ამბობს, რომ მარიხუანას მოწევის ფაქტი არ დაფიქსირებულა, თუმცა ნარკოტიკული ნივთიერება ამოიღეს. მისივე თქმით, ამის შემდეგ გამოიძახეს პოლიცია და დაიბარეს მოსწავლეების მშობლები.
მზია სულამანიძის განცხადებით, თავად მოსწავლე ექსპერტიზაზე გადაიყვანეს.
შინაგან საქმეთა სამინისტროს ცნობით, მოსწავლე, რომელსაც ნარკოტიკული ნივთიერება აღმოაჩნდა, გამოიკითხა.