ჩვენ არ გვედავებიან ქალის გაუპატიურებას, ჩვენ გვედავებიან ბავშვის და კაცის მკვლელობას, - განაცხადა ხადას ხეობაში სმიტების ოჯახის წევრების მკვლელობაში ბრალდებულ მალხაზ კობაურის ადვოკატმა, ალექსანდრე კობაიძემ.
როგორც ის განმარტავს, გარდაცვლილის გაუპატიურების ფაქტის დამადასტურებელი მტკიცებულებები საქმეში არ არსებობს.
რაც შეეხება იმას, თუ როგორ იპოვა ბრალდებულმა მცირეწლოვანი ბავშვის გვამი გამოძიების ეტაპზე, ადვოკატი აცხადებს, რომ "თავად გამომძიებელმა დაავალა, კობაურს მოეძებნა იმ ტერიტორიაზე, სადაც ბრალდებულმა მიუთითა, რომ განხორციელდა დანაშაული. შესაბამისად მან მოიძია გვამები.
"კითხვაზე: თუ როგორ აღმოჩნდა ლორა სმიტის უკანა ტანში კობაურის გენეტიკური პროფილი, მე ასეთი კითხვა მექნება საპასუხოდ, რომ რატომ იყო რაიან სმიტის გენეტიკური კვალი მისივე უკანა ტანში? ეს ნიშნავს, რომ ექსპერტიზის პასუხი არ არის ნამდვილი და მინიმუმ ფალსიფიცირებულია. შეეშალა ექსპეტიზას ან ფალსიფიცირება მოხდა. აქ არის სხვა ექსპერტიზაც ჩატარებული და არ დასტურდება, რომ იყო ძალადობა ან გაუპატიურება. ჩვენ არ გვედავებიან ქალის გაუპატიურებას, ჩვენ გვედავებიან ბავშვის და კაცის მკვლელობას,“ - განაცხადა ლექსო კობაიძემ.