ადვილი შესაშინებელი არ ვარ, - ამის შესახებ მთავრობის ადმინისტრაციის უფროსმა, კახა კახიშვილმა რუსთავი 2-ის გავრცელებულ ჩანაწერებთან დაკავშირებით განაცხადა, რომელშიც სავარაუდოდ მირზა სუბელიანი ამბობს, რომ კახიშვილის და ჟურნალისტ ლალი მოროშკინას საუბრის ფარული ჩანაწერი აქვს.
მისი თქმით, არალოგიკურია, რომ მას ლალი მოროშკინას დახმარება დასჭირდა.
“მე მგონი, ვინც მიცნობთ, ყველამ ძალიან კარგად იცით, რომ ადვილი შესაშინებელი არ ვარ და აქედან გამომდინარე, როგორ წარმოგიდგენიათ, მაშინ, როცა ყოველ დღე მქონდა წვდომა როგორც ბეჭდურ, ისე ტელემედიაზე, რაში მჭირდებოდა ლალი მოროშკინას დახმარება? - არალოგიკურია ეს“, - განაცხადა კახა კახიშვილმა.