ბადრი პატარკაციშვილის მკვლელობის მომზადების საქმეზე დადასტურდა ის, რაც საზოგადოების დიდმა ნაწილმა ისედაც იცოდა, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე სოფო კილაძემ განაცხადა.
მისი თქმით, ამ საქმესთან დაკავშირებით სერიოზული ეჭვები არსებობდა, რომ ეს მაშინდელი პრეზიდენტის, მიხეილ სააკაშვილის მიერ იყო შეკვეთილი.
„როგორც იქნა, საქმე გაიხსნა. „ქართულ ოცნებასა“ და „ნაციონალურ მოძრაობას“ შორის ბრძოლა 2011 წელს დაიწყო და არც ერთი დღე არ გაჩერებულა, რადგან „ნაციონალები“ მუდმივად ცდილობენ, რომ ხელისუფლებას ლაფი შეასხან“, – განაცხადა კილაძემ.
ცნობისთვის, პროკურატურის ინფორმაციით, ბადრი პატარკაციშვილის მკვლელობის მომზადების ფაქტი გახსნილია.
