"ევროპული საქართველოს" ერთ-ერთი ლიდერი და ეუთო-ს საპარლამენტო ასამბლეის პრეზიდენტი გიგი წერეთელი თურქეთის პარლამენტის თავმჯდომარეს შეხვდა.
საუბარი რეგიონში არსებული უსაფრთხოების, მიგრაციის, ტერორიზმთან ბრძოლის საკითხებს ეხებოდა. ასევე ეუთოს-თან თანამშრომლობის გაღრმავებასა და საპარლამენტო დემოკრატიის გაძლიერებას. ხაზი გაესვა საქართველო-თურქეთის სტრატეგიული პარტნიორობის განსაკუთრებულ მნიშვნელობას. გიგი წერეთელი სიტყვით გამოვიდა თურქეთში გამართულ ევრაზიის პარლამენტთა სპიკერების შეხვედრაზე. ეკონომიკური თანამშრომლობის აუცილებლობასთან ერთად, მან რეგიონში არსებულ უსაფრთხოების პრობლემებზე გაამახვილა ყურადღება.
“კონფლიქტები ევრაზიის თითქმის ყველა ნაწილში არსებობს. ეუთოს პრინციპების დაცვა და საერთაშორისო სამართალი დარღვეულია უკრაინის, საქართველოსა და მთიანი ყარაბაღის კონფლიქტში. ეს ხელს უშლის ჩვენი სრული ეკონომიკური პოტენციალის რეალიზებას. ეუთო-ს საპარლამენტო ასამბლეას გამორჩეული პოტენციალი და ინსტრუმენტები აქვს რათა დაეხმაროს ქვეყნებს შორის უფრო მეტი თანამშრომლობის პროცესს. ჩვენს მთავრობებს შორის ნდობის ეროზიაა, ეუთო-ს წევრებმა უნდა შეასრულონ თავიანთი ვალდებულებები. ჩვენ უნდა გავნაგრძოთ დიალოგის წახალისება და მრავალმხრივი დიპლომატიის გაძლიერება”, - განაცხადა გიგი წერეთელმა.
კონფერენციის ფარგლებში გიგი წერეთელმა ორმხრივი შეხვედრები გამართა, სლოვაკეთის, ყაზახეთის, უზბეკეთის, ბელორუსიის პარლამენტის სპიკერებთან.