არჩევნებში სალომე ზურაბიშვილი გაიმარჯვებს და კიდევ ერთხელ გაეცემა პასუხი „ნაცმოძრაობას“ ჩადენილი დანაშაულებებისთვის, - ამის შესახებ პარლამენტის თავმჯდომარე ირაკლი კობახიძემ დღევანდელ პრეკონფერენციაზე განაცხადა.
მისი თქმით, "ნაციონალური მოძრაობის" დანაშაულია რუსეთის მიერ საქართველოს ტერიტორიების 20%-ის ოკუპაცია.
„არჩევნები დასრულდება ქალბატონ სალომე ზურაბიშვილის დამაჯერებელი გამარჯვებით. კიდევ ერთხელ გაეცემა საკადრისი პასუხი „ნაცმოძრაობას“ ყველა იმ დანაშაულისთვის, რომელიც ჩამოვთვალე. ეს იყო, ყაჩაღობა, ძალადობა, რეკეტი და ეს იყო ჩვენი ტერიტორიების 20%-ის ოკუპაცია, ეს იყო ასობით ადამიანის დაღუპვა, რაშიც დანაშაული, ბრალი მიუძღვის მიხეილ სააკაშვილს, „ნაცმოძრაობას“. ეს იყო ასეულობით სოფლის დაკარგვა, ეს იყო უბედურება, რომელიც დაატრიალა ამ პოლიტიკურმა ძალამ", - განაცხადა კობახიძემ.