თემქაზე მოკლული ანა ნაცვლიშვილის მამის, მამუკა ნაცვლიშვილის და მისი ოჯახის წევრების გაღიზიანება ბრალდებულ ლადო გრიგალაშვილის დედის, ეკატერინე კირვალიძის ჩვენებას მოჰყვა.
მან თბილისის საქალაქო სასამართლოში მისი შვილის პიროვნებასა და მოკლულთან ურთიერთობაზე ისაუბრა. თავისივე ჩვენებაში, კირვალიძემ აღნიშნა, რომ ლადო გრიგალაშვილი "დასტოინი" პიროვნებაა.
"ბავშვობაში "გარაჟიდან" გადმოაგდო მაგ დამპალმა ბავშვი და დედამისმა ჩაფარცხა ეს საქმე. მიდით და სამეზობლოში იკითხეთ, ყველა გეტყვით, რომ დედამისის გაფუჭებულია ეგ ბავშვი. ვერ შეატყვეთ როგორ ილაპარაკა სასამართლოში? მკვლელობაშია ბრალდებული და "დასტოინი" შვილი მყავდაო, ამბობს.
ხელს აფარებს, მამამისიც აფარებს ხელს. ამას ასე არ დავტოვებ, მივუსვამ გვერდზე!", - აცხადებს ნაცვლიშვილი.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.