დღეს, თბილისის საქალაქო სასამართლოში თემქაზე 20 წლის ანა ნაცვლიშვილის მკვლელობაში ბრალდებულ ლადო გრიგალაშვილის დედას და ბიძას დაკითხავენ.
თუ რა ინფორმაციას მიაწვდიან ისინი სასამართლოს უცნობია. დღესვე უნდა დაკითხულიყო ბრალდებულის მამა, თუმცა, ის სასამართლოში არ გამოცხადებულა.
შეგახსენებთ, რომ ბრალდებულ გრიგალაშვილის მამა, ზაქარია გრიგალაშვილი საპატრულო პოლიციის მოქმედი თანამშრომელია. აღნიშნულთან დაკავშირებით, ანა ნაცვლიშვილის მამა, მამუკა ნაცვლიშვილი შინაგან საქმეთა მინისტრს, გიორგი გახარიას შეხვდა. როგორც დაზარალებულის უფლებამონაცვლე აცხადებს, გრიგალაშვილს არ აქვს მორალური უფლება ის კვლავ სამართალდამცავ ორგანოში მუშაობდეს.
20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
