წარმოუდგენელია ეს რეალური იყოს, - ამის შესახებ ჯანდაცვის მინისტრმა დავით სერგეენკო რუსთავი 2-ის მიერ გავრცელებულ ჩანაწერებთან დაკავშირებით განაცხადა.
მისი თქმით, იქ გაჟღერებული ამბები რეალობასთან არ უნდა იყოს ახლოს.
„ამ ჩანაწერებს რომ მოვუსმინე, პირველი შთაბეჭდილება იყო, რომ წარმოუდგენელია ეს რეალური იყოს. რამდენადაც მე ვიცი, ამ ჩანაწერების ირგვლივ აღძრულია გამოძიება და მე მგონი, რომ ყველა კითხვას პასუხი გაეცემა. ჩემი პირადი პოზიცია არის, რომ იქ გაჟღერებული ამბები რეალობასთან ჩემი აზრით არ უნდა იყოს ახლოს“, - განაცხადა სერგეენკომ.
ცნობისთვის, რ2-ის მიერ გავრცელებული ჩანაწერი გლდანის #8 სასჯელაღსრულების დაწესებულებაშია გაკეთებული, რომელშიც სავარაუდოდ, პროკურატურის ყოფილი მაღალჩინოსანი, მირზა სუბელიანი საუბრობს. ჩანაწერის მიხედვით, სუბელიანთან საკანში იმყოფებიან „ქართული ოცნების“ დეპუტატი ვიქტორ ჯაფარიძე და ლტოლვილთა სამინისტროს ყოფილი მაღალჩინოსანი, გენერალური ინსპექციის ყოფილი თანამშრომელი დათო ცუხიშვილი.
მირზა სუბელიანთან ციხეში ვიზიტი დაადასტურა ვიქტორ ჯაფარიძემ. მოგვიანებით, სპეციალური ბრიფინგი გაიმართა პროკურატურაში.