ეკონომიკის ყოფილ მინისტრს, დიმიტრი ქუმისშვილს ადვოკატი დიმიტრი გაბუნია აღარ დაიცავს.
როგორც ადვოკატმა განცხადა, მასსა და მის კლიენტს შორის ხელშეკრულება დაახლოებით ორი კვირის წინ შეწყდა. მისივე თქმით, გარკვეულ საკითხებზე შეუთანხმებლობის გამო, ხელშეკრულება მისი ინიციატივით გაწყვიტეს.
„ვადასტურებ, რომ დაახლოებით ორი კვირის წინ ჩემსა და დიმიტრი ქუმსიშვილს შორის ხელშეკრულება შეწყდა. ესაა კლასიკური მაგალითი მხარეთა შეუთანხმებლობის. ამაზე მეტს ვერ გეტყვით კონფიდენციალობიდან გამომდინარე. ვალდებული ვარ, გითხრათ, დღესაც მიმაჩნია, რომ ეს ადამიანი აბსოლუტურად უდანაშაულოა. ყველა საქმეზე, რომელშიც ფიგურირებდა ქუმსიშვილი, მათ შორის, „ომეგას“ საქმეზე. იურიდიული კონსულტაციები გავლილი გვქონდა, თუმცა გარკვეულ საკითხებზე ჩვენ შორის მოხდა შეუთანხმებლობა. ჩემი ინიციატივით შევწყვიტეთ ხელშეკრულება. დაცვის სტრატეგიასთან დაკავშირებით და საქმიან ნაწილზე ყველანაირად შეჯერებულები ვიყავით, თუმცა გარკვეული შეუთანხმებლობის გამო, თანამშრომლობა შევწყვიტეთ“, – განაცხადა დიმიტრი გაბუნიამ.