მნიშვნელოვანია, რომ როდესაც ასეთი ბრალდებები ისმის, დეტალური და სწრაფი გამოძიება ჩატარდეს, - ამის შესახებ აშშ-ის სახელმწიფო მდივნის თანაშემწის მოადგილე ჯორჯ კენტმა თბილისში გამართულ პრესკონფერენციაზე "ომეგა ჯგუფის" საქმესთან დაკავშირებით განაცხადა.
მისი თქმით, ის კომენტარს ვერ გააკეთებს იმ საქმეზე, რომელიც ძიების პროცესშია.
„მე არ ვარ ქართველი და კომენტარს ვერ გავაკეთებ ძიების პროცესში მყოფ საქმეზე, მაგრამ მნიშვნელოვანია, რომ როდესაც ასეთი ბრალდებები ისმის, დეტალური და სწრაფი გამოძიება ჩატარდეს“, - განაცხადა ჯორჯ კენტმა.