ბავშვმა დაადასტურა, რომ დანა პირველად დედას ეჭირა ხელში. ისიც თქვა, საიდან აიღო, რა ზომის და რა ფერის იყო. შემდეგ დავინახე, ვეფხია ბაქრაძემ დედას გამოართვა დანა და რამდენიმეჯერ დაარტყაო, - აცხადებს თაკო გამრეკელაშვილის მკვლელობაში ბრალდებული ვეფხია ბაქრაძის ადვოკატი, თამაზ მაგლაქველიძე.
როგორც ის აცხადებს, დღეს სასამართლოში დაკითხულმა მცირეწლოვანმა მნიშვნელოვანი დეტალი გააჟღერა.
"დღეს გამოიკვეთა მეტად მნიშვნელოვანი ფაქტორი, როცა დაიკითხა გარდაცვლილის უფროსი, 7 წლის ვაჟი. მისი დედა, რომელსაც დანა ეჭირა და ხელით აჩვენა, რომ დანა დაახლოებით, 40 სმ იყო, გაიწია ვეფხია ბარაძეზე და ცდილობდა მიეყენებინა დანის საშუალებით დაზიანებები. ეს თქვა ბავშვმა პირდაპირ პროცესზე. ეს არ იყო საქმის მასალებში და კარგია, რომ ეს მნიშვნელოვანი ფაქტი გაჟღერდა.
დედაჩემი ვეფხია ბაქრაძემ მოკლაო, ეს თქვა", - აცხადებს მაგლაქველიძე.
ის მუხლის გადაკვალიფიცირებას ითხოვს და აცხადებს, რომ ბრალდებული აუცილებელი მოგერიებით სარგებლობდა.
"მე როგორც დაცვის მხარე, ვაცხადებ რომ ვეფხია ბქრაძე აუცილებელი მოგერიებით სარგებლობდა", - აცხადებს ადვოკატი.