ევროკავშირის ელჩმა კარლ ჰარლტცელმა, ბათუმის ვიცემერ თენგიზ პეტრიძესთან და შპს ,,ბათუმის წყლის“ გენერალურ დირექტორ მარიკა გვიანიძესთან ერთად, ჩაქვის 2500კბ.მ წყლის სამარაგო რეზერვუარი დაათვალიერა.
,,აჭარის რეგიონში იმ მიზნით ვიმყოფები, რომ გავეცნო სამუშოებს, რომლებსაც ბოლო 2 წლის განმავლობაში ერთობლიოვად ვახორციელებდით. მე მოვინახულე ეს ობიექტი. ევროკავშრი ამ მიმართლებით საქართველოსა და აჭარის რეგიონში მნიშვნელოვან ინვესტიციებს ახორციელებს, რაც მიზნად ეკონომიკისა და ინფრასტრუქტურის განვითარებას ისახავს“ - აღნიშნა კარლ ჰარლტცელმა.
ჩაქვში, ზღვის დონიდან 52 მეტრზე, 2500კბ.მ წყლის სამარაგო რეზერვუარი გასულ წელს აშენდა. მშენებლობა ქ. ბათუმის მუნიციპალური ინფრასტრუქტურის რეაბილიტაციის პროექტის III ფაზის ფარგლებში განხორციელდა. შედეგად, ჩაქვის ტერიტორიაზე მცხოვრებ 1100 აბონენტს წყალი უწყვეტ რეჟიმში მიეწოდება.
დასრულდა ჩაქვის მეორე 900 კბ. მეტრის წყლის სამარაგო რეზერვუარის მშენებლობაც.
ჩაქვის წყლის სამარაგო რეზერვუარის მშენებლობის ღირებულება 900 ათას 823 ევროს შეადგენს, რომელიც დაფინანსდა ევროკავშირის სამეზობლო ინვესტირების ,,EU NIF’’ ფონდიდან გამოყოფილი გრანტით, 4 მილიონი ევროს ოდენობით, რომელიც ქ. ბათუმის მუნიციპალიტეტისათვის მოპოვებული იქნა KfW ბანკის მიერ .
მაგისტრალური და სამომხმარებლო ქსელის მშენებლობა დასრულდა ჩაქვსა და მწვანე კონცზე, რის შედეგადაც მოსახლეობა წყალმომარაგებას უწყვეტ რეჟიმში იღებს.
მიმდინარეობს მახინჯაურის 1800 კბ. მეტრის წყლის სამარაგო რეზერვუარის მშენებლობა, რომელიც მიმდინარე წელს დასრულდება.
პარალელურად ხორციელდება მობილური გამწმენდი ნაგებობის მშენებლობა დაბა ჩაქვის ტერიტორიაზე.