თბილისის პროკურატურამ სპორტის ყოფილი მინისტრის ლევან ყიფიანის ჩვენება გაასაჯაროვა.
ყოფილ მთავარ პროკურორ ოთარ ფარცხალაძესთან და ე.წ. სარდაფის ინციდენტთან დაკავშირებით გამოკითხვის დროს ლევან ყიფიანი ამბობს, რომ ეს სრული სისულელეა და ფარცხალაძესთან არანაირი კონფლიქტი არ ჰქონია.
„ოთართან ნორმალური ურთიერთობა მაქვს და არანაირი კონფლიქტი, მით უმეტეს, სერიოზული არასდროს მქონია მასთან. ეს არის მთელი ინფორმაცია, რაც ვიცი საქმესთან დაკავშირებით“, - ამბობს ყიფიანი ჩვენებაში.
ცნობისთვის, გავრცელებული აუდიო ჩანაწერების მიხედვით, ოთარ ფარცხალაძემ ლევან ყიფიანს ფიზიკური შეურაცხყოფა მიაყენა და მას გაუპატიურებითაც დაემუქრა.
შეგახსენებთ, თბილისის პროკურატურამ სპორტის ყოფილი მინისტრის ლევან ყიფიანის ჩვენება გაასაჯაროვა. ლევან ყიფიანის გამოკითხვის ოქმი პროკურატურის ვებ-გვერდზეა გამოქვეყნებული.
