ფრანგულმა კომპანია "Total"-მა შეწყვიტა ირანისგან ნავთობის შესყიდვა აშშ-ის მიერ ამ ქვეყნის მიმართ სანქციების გამო, განაცხადა კომპანიის ხელმძღვანელმა პატრიკ პუიანნემ.
"ჩვენ შევწყვიტეთ ირანული ნავთობის ყიდვა ივლისის თვეში მიუხედავად იმისა, რომ ფორმალურად ჩვენ გვაქვს ნოემბრამდე ამის გაკეთების უფლება", - აღნიშნა მან ლონდონში გამართულ კონფერენციაზე "Oil & Money Conference" გამოსვლისას.
"დღეისათვის ნავთობის ბაზარი საკმარისადაა უზრუნველყოფილი. უფრო მეტიც, მსოფლიოში ნავთობის მარაგები იზრდება... და თუ ნავტობის ფასი მაღალია, ეს არ არის გამოწვეული მიწოდებისა და მოთხოვნილების ბალანსით, ფუნდამენტალური ფაქტორებით, არამედ გამოწვეულია პოლიტიკური ფაქტორებით", - განაცხადა კომპანიის ხელმძღვანელმა.