თარიღი    დრო

აღარავის უნდა ამ ჭაობში ცხოვრება, ყველას უნდა უძრაობიდან და ჭაობიდან ამოსვლა - დავით ბაქრაძე

საქართველო, თბილისი - 16:20 10.10.2018 129

აღარავის უნდა ამ ჭაობში ცხოვრება, ყველას უნდა უძრაობიდან და ჭაობიდან ამოსვლა, ოღონდ უძრაობიდან და ჭაობიდან უნდა ამოვიდეთ აბსოლუტურად მშვიდობიანად, ყველგვარი შურისძიების, ყოველგვარი არეულობის, ყოველგვარი წარსულის დაბრუნების გარეშე, - ამის შესახებ „ევროპული საქართველოს“ პრეზიდენტობის კანდიდატმა დავით ბაქრაძემ გურჯაანში მოსახლეობასთან შეხვედრაზე განაცხადა.

მისი თქმით, მთავრობას უნდა კიდევ ერთხელ ხალხს არჩევანი გააკეთებინოს ცუდსა და უარესს შორის.

„ჩვენ უკან არ მივდივართ, ჩვენ წინ მივდივართ და ჩვენი მომავალი უნდა ავაშენოთ. რაც უფრო მკაფიოდ ვიტყვით, რომ მომავალი თავისუფალია შურისძიებისგან, მით უფრო მეტი ადამიანი დაუჭერს მხარს ცვლილებებს, რაც უფრო მკაფიოდ ვიტყვით, რომ მომავალი თავისუფლია არეულობისგან და რევანშისგან, მით უფრო მეტი ადამიანი დაუჭერს მხარს ცვლილებებს. ეს არ უნდა მთავრობას, მთავრობას უნდა კიდევ ერთხელ ხალხს არჩევანი გააკეთებინოს ცუდს და უარესს შორის. ერთ მხარეს არის ჭაობი და უძრაობა, რომელშიც შეგვიყვანა „ქართულმა ოცნებამ“ და ამისი ალტერნატივა თურმე არის არეულობა და შურისძიება. ჩვენ ვართ ის პოლიტიკური ძალა რომელმაც უნდა თქვას - არა! ჭაობში არ ვიქნებით, აქედან ამოვალთ და ქვეყანას წინ წავიყვანთ, მშვიდად, მშვიდობიანად. არც ერთი ადამიანი არ დაზარალდება, არც ერთი ადამიანი არ დაზიანდება. ეს არის სწორედ ჩვენი ამოცანა ქვეყანას მოვუტანოთ მშვიდობიანი ცვლილებები. საიმედო ხვალინდელ დღეს უნდა მისცეს ხმა ადამიანმა, რომელიც მივა არჩევნებზე“, - განაცხადა ბაქრაძემ.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.8%
შემცირდა 11.4%
არ შეცვლილა 2.8%