საპროცედურო საკითხთა და წესების კომიტეტმა მხარი დაუჭირა საინიციატივო ჯგუფის რეგისტრირებას, რომლის მიზანი მცენარე კანაფის დათესვა/კულტივირების კონსტიტუციის დონეზე აკრძალვა და შესაბამისი საკონსტიტუციო ცვლილებების პარლამენტში ინიცირებისთვის 200 ათასი ხელმოწერის შეგროვებაა.
საინიციატივო ჯგუფს მოქალაქეთა ხელმოწერების შესაგროვებლად და პარლამენტში წარსადგენად 4-თვიანი ვადა აქვს.
ცნობისთვის, საინიციატივო ჯგუფს წარმოადგენენ გაერთიანებული ოპოზიციის "ძალა ერთობაშია" წევრები: გიორგი ვაშაძე, პაატა ბურჭულაძე, გრიგოლ ვაშაძე, ზაალ უდუმაშვილი, ნიკა მელია, ბაჩუკი ქარდავა, ლევან ბეჟაშვილი, ნიკა მაჭუტაძე და სხვები.
