თარიღი    დრო

მერაბ მორჩაძის ბრალეულობა მოწმეთა ჩვენებებით, ასევე აუდიოჩანაწერებით დადასტურდება - პროკურორი

საქართველო, თბილისი - 13:10 10.10.2018 141

საქმეში არსებობს როგორც მოწმეთა ჩვენებები, ასევე ნივთმტკიცებები, აუდიოჩანაწერები, წერილობითი მტკიცებულებები, რომელთა ერთობლიობითაც ვფიქრობთ რომ დასტურდება ბრალდებულის მიერ დანაშაულის ჩადენა, - განაცხადა ჟურნალისტებთან ხორავას ქუჩის საქმეზე მოწმეზე ზემოქმედების ბრალდებით დაკავებული მერაბ მორჩაძის საქმის პროკურორმა, მირიან მეგრელიშვილმა.

დღეს სასამართლომ მტკიცებულებების დასაშვებობაზე იმსჯელა.

"სასამართლო იმსჯელა მხარეთა მიერ მოპოვებული და წარმოდგენილი მტკიცებულებების დასაშვებობის საკითხზე. მოსამართლემ გაიზიარა ბრალდების მხარის პოზიციები და ჩვენი მტკიცებულებები სრული მოცულობით ცნო დასაშვებად.

რაც შეეხება დაცვის მხარის მტკიცებულებებს, ჩვენი შუამდგომლობის საფუძველზე, დაცვის მხარის მტკიცებულებები დაუშვებლად ცნო. კერძოდ დაუშვებლად ცნო ერთი მტკიცებულება და რამდენიმე პირი მოწმედ დასაკითხ პირთა სიიდან ამორიცხა. 

სასამართლომ ასევე იმსჯელა საქმის არსებით განხილვასთან დაკავშირებით და ჩათვალა, რომ არსებობს ალბათობის მაღალი ხარისხის სტანდარტი, შესაბამისად მოცემულ სისხლის სამართლის საქმეზე დაინიშნა არსებითი განხილვა.

რაც შეეხება საგამოძიებო კომისიის დასკვნას ჩვენ ვთქვით, რომ დასკვნას არ იყო რელევანტური და საქმესთან შემხებლობა არ ჰქონდა, რაც სასამართლომ გაიზიარა და დაუშვებლად ცნო დაცვის მხარის აღნიშნული მტკიცებულება", -აცხადებს მეგრელიშვილი




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.8%
შემცირდა 11.4%
არ შეცვლილა 2.8%