ხადას ხეობაში, სმიტების ოჯახის მკვლელობაში ბრალდებულ მწყემსს, მალხაზ კობაურს შემთხვევის ადგილზე სავარაუდოდ, ამ კვირაში ჩაიყვანენ. აღნიშნული ინფორმაცია "ჯი-ეიჩ-ენს" მისმა ადვოკატმა, ალექსანდრე კობაიძემ სასჯელაღსრულების დაწესებულებიდან გამოსვლის შემდეგ მიაწოდა.
როგორც ადვოკატი განმარტავს, კობაურის მიერ გამოძიებისთვის მიწოდებული ინფორმაციის სიზუსტე საგამოძიებო მოქმედებებით უნდა გადამოწმდეს.
„კობაური მზად არის ყველა საგამოძიებო მოქმედებაში მიიღოს მონაწილეობა. მისი სურვილია, გადამოწმდეს მის მიერ მითითებული ინფორმაცია, რამდენად რეალური და ობიექტურია.
კობაური ჩვენ რა ინფომრაციასაც გვაწვდის, უნდა გადამოწმდეს. ეს გადამოწმდება როგორც დროში, ასევე თანმინდოვრობაში“, - აცხადებს ადვოკატი.
