თბილისში, ქავთარაძის ქუჩაზე მდებარე სავაჭრო ჯიხური გაძარცვეს.
ჯიხურში ნიღბიანი მამაკაცი შეიჭრა, გამყიდველმა ქალმა თავდამსხმელს წინააღმდეგობა გაუწია და მათ შორის ფიზიკური შეხლა-შემოხლა მოხდა.
მამაკაცმა დანის მუქარით 55 ლარის წაღება შეძლო.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 178-ე მუხლით მიმდინარეობს, რაც ძარცვას გულისხმობს.
სამართალდამცველებს დამნაშავე, ჯერჯერობით, არ დაუკავებიათ.
