"ევროპული საქართველოს" პოლიტსაბჭოს თავმჯდომარე გიგა ბოკერია ეკლესიასთან და სასულიერო პირებთან დაკავშირებით, პრეზიდენტობის დამოუკიდებელი კანდიდატის, სალომე ზურაბიშვილის განცხადებას ეხმიანება.
ბოკერიას განცხადებით, სასულიერო პირებს სრული უფლება აქვთ პოზიცია ჰქონდეთ ნებისმიერ მიმდინარე მწვავე დისკუსიაში, მაგრამ ეკლესიას, როგორც ინსტიტუტს არ აქვს ვეტოს უფლება.
„საზოგადოების ნებისმიერ წევრს და მათ შორის სასულიერო პირებსაც სრული უფლება აქვთ პოზიცია ჰქონდეთ ნებისმიერ მიმდინარე მწვავე დისკუსიაში, მაგრამ ეკლესიას, როგორც ინსტიტუტს არ აქვს ვეტოს უფლება. ასევე ჩემთვის მნიშვნელოვანია, რომ პოლიტიკური ოპონენტების წინააღმდეგ, ვინც არ უნდა იყოს ის, თუნდაც სალომე ზურაბიშვილი ეკლესიისა და რელიგიური გრძნობების გამოყენება ჩემთვის არის მიუღებელი", - განაცხადა გიგა ბოკერიამ.
ცნობისთვის, სალომე ზურაბიშვილმა გუშინ განაცხადა, რომ მას არ ესმის, როგორ შეიძლება, ეკლესია ამ დონეზე იღებდეს მონაწილეობას საარჩევნო კამპანიაში.
