თარიღი    დრო

თბილისის მერიის მხარდაჭერით, ლექციების ციკლი - „მე მიყვარს კლასიკური მუსიკა“ ჩატარდება

საქართველო, თბილისი - 14:00 09.19.2018 227

დედაქალაქის მერიის მხარდაჭერით და თბილისის ვ. სარაჯიშვილის სახელობის სახელმწიფო კონსერვატორიის დიდი დარბაზის ადმინისტრაციის ინიციატივით, 2018-2019 აკადემიური წლის განმავლობაში, სექტემბრიდან ივნისის ჩათვლით, ყოველი თვის ერთ-ერთ პარასკევს, კონსერვატორიის დიდ დარბაზში, ლექცია-კონცერტების მესამე სეზონი გაიხსნება.

ამის შესახებ კონსერვატორიაში გამართულ პრესკონფერენციაზე გახდა ცნობილი, რომელიც კლასიკური მუსიკის შემეცნებითი პროგრამის - „მე მიყვარს კლასიკური მუსიკა“ მიეძღვნა. ლექციები 28 სექტემბერს დაიწყება და მათი ხანგრძლივობა 50-60 წუთი იქნება.

პრესკონფერენციას თბილისის მერის მოადგილე სოფიო ხუნწარია, კონსერვატორიის პროფესორი, რექტორის მოადგილე და პროექტის იდეის ავტორი მანანა დოიჯაშვილი და პროექტის ერთ-ერთი ორგანიზატორი, დიდი დარბაზის დირექტორის მოადგილე ნატა მეცხოვრიშვილი უძღვებოდნენ.

სოფიო ხუნწარიას თქმით, არაფორმალური განათლება თბილისის მუნიციპალიტეტის მერიის ერთ-ერთი პრიორიტეტია.

„პროექტის სამიზნე ჯგუფი საჯარო სკოლების 7-14 წლის ასაკის მოსწავლეები არიან. განსაკუთრებულად მნიშვნელოვანია, რომ ბავშვის ცნობიერებაში კლასიკური მუსიკისადმი სიყვარული ადრეულ ასაკში ჩაისახოს. პროგრამა თითოეულ მათგანს შესაძლებლობას მისცემს, ამ ჯადოსნურ სამყაროს ეზიაროს“, - აღნიშნა სოფიო ხუნწარიამ.

 

აღნიშნული პროექტი საორკესტრო, ინსტრუმენტული, ვოკალური მუსიკის ჩათვლით, მრავალფეროვან თემატიკას მოიცავს. თითოეულ ლექციას პროფესიონალი მუსიკოსები და მუსიკისმცოდნეები: ნანა კაცია, მიხეილ ქირია, ნინო ანანიაშვილი, ლაშა ბუღაძე, თამარ ლიჩელი, ირაკლი ევსტაფიშვილი, კოკა ნიკოლაძე, მირიან ხუხუნაიშვილი და ნინო ჟვანია გაუძღვებიან. თემატიკის შესაბამისად, ყოველი ლექცია-კონცერტი გამდიდრებული იქნება მუსიკალური ნომრებით პროფესიონალი მუსიკოსებისა და ნორჩი შემსრულებლების მონაწილეობით. 

კლასიკური მუსიკის შემეცნებითი პროგრამის 2018/2019 აკადემიური წლის სეზონის ათივე კონცერტზე დასასწრებად, სპეციალური აბონემენტი მოქმედებს, რომლის შეძენა შესაძლებელია კონსერვატორიისა და თბილისის საკონცერტო დარბაზების სალაროებში. ასევე, ვებგვერდზე www.tkt.ge.   




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

17:02 თეგეტა მოტორსის სოციალური კამპანია #არგამბოლო მელიორა 2018-ის გამარჯვებულია

14:47 ბაკურიანში "კოხტა რუმს ჰოტელ მენეჯმენტის" სასტუმრო აშენდება

13:33 საფინანსო ბაზარზე ახალი რეგულაციების ამოქმედების ვადა აღარ გადაიწევს.

13:24 გვენეტაძე: საბანკო სექტორი აბსოლუტურად გამჭვირვალეა და ამის გამო ხშირად ხდება კრიტიკის ობიექტი

13:13 მომავალ წელს სებ-ი 100 წლის იუბილეს აღნიშნავს

13:09 გვენეტაძე:  საპროცენტო განაკვეთებთან დაკავშირებით ცალსახად, შეუძლებელია რაიმე პროგნოზის გაკეთება

12:21 სებ-მა  მონაცემთა ვიზუალიზაციისა და ანალიზის თანამედროვე პლატფორმა დაინერგა

12:39 თბილისი ანკარას პირდაპირი ავიარეისით დაუკავშირდება 



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%