რუსეთის პრემიერ-მინისტრს ვლადიმერ პუტინს აშშ- რუსეთის გადატვირთვის პროცესში უმთავრეს პრობლემად საქართველო, კერძოდ კი შეიარაღებული ძალების გადაიარაღება მიაჩნია.
მისივე თქმით, იგი ხედავს აშშ-ის ახალი ადმინისტრაციის განზრახვას რუსეთთან ურთიერთობის გაუმჯობესების შესახებ, მაგრამ უჭირს ამ ყველაფრის დაჯერება როდესაც "ხედავას" თუ როგორ მიმდინარეობს საქართველოს შეიარაღება.
პუტინი აცხადებს, რომ აშშ-მა 2008 წლამდეც მოახდინა საქართველოს "გადაიარაღება" და შედეგად სისხლი დაიაღვარა.
"თქვენ იცით... მე ძალიან მინდა ამის (გადატვირთვის) მჯეროდეს. მეორეც, მე ის ძალიან მინდა. მესამე - ვხედავ აშშ-ის დღევანდელი ადმინისტრაციის განზრახვას გააუმჯობესონ ურთიერთობები რუსეთთან და ეს ნათლად ჩანს. მაგრამ არის სხვა საკითხიც. მაგალითად, ხდება საქართველოს გადაიარაღება, რისთვის? ეს ხომ რეალობაა? ჩვენ ხომ ამას ვხედავთ... რომ არ ყოფილიყო გადაიარაღება 2 წლის წინ, არ იქნებოდა აგრესია და სისხლი, რომელიც იქ დიღვარა. სხვათა შორის, ამის შესახებ, ჩვენს პარტნიორებს ეუბნებოდნენ. მათ შორის, ჩვენი ევროპელი მეგობრები და ყველა დუმდა. და რითი დამთავდა ეს?! მიიყვანეს ომამდე. ახლა ისევ აგრძელებენ გადაიარაღებას", _ განუცხადა პუტინმა "კომერსანტს" ავტომაქანაში, რომელსაც ჩიტიდან ხაბაროვსკის მიმართულებით თავად მართავდა.
