თარიღი    დრო

14 სექტემბერს დავით ბაქრაძე აშშ-ში გაემგზავრება

საქართველო, თბილისი - 15:41 08.27.2010 670

14 სექტემბერს საქართველოს პარლამენტის თავმჯდომარე დავით ბაქრაძე ამერიკის შეერთებულ შტატებში გაემგზავრება. დავით ბაქრაძე ვაშინგტონში, დემოკრატიულ სახელმწიფოთა თანამეგობრობის ფორუმზე (Community of Democracies) ერთ-ერთი მთავარი მომხსენებელი იქნება. შეხვედრაში მონაწილეობას მიიღებენ ცენტრალური და აღმოსავლეთ ევროპის პარლამენტის თავმჯდომარეები.
ფორუმს გახსნის დემოკრატიულ სახელმწიფოთა თანამეგობრობის პრეზიდენტი ემანუელიზ ზინგერისი, ფორუმს დაესწრებიან ევროპარლამენტის პრეზიდენტი ჯერსი ბუზეკი, აშშ-ის კონგრესის სპიკერი ნენსი პელოსი, ასევე ლიტვის პარლამენტის სპიკერი ირენა დეგუტიენე, მოლდავეთის პარლამენტის თავმჯდომარე მიხაი ღიმპუ, პოლონეთის სენატის თავმჯდომარის მოადგილე - ზბიგნევ რომაზევსკი.
დისკუსია წარიმართება აშშ-ის სენატისა და კონგრესის წევრების მონაწილეობით. ფორუმს მოწვეული სპიკერის სტატუსით დაესწრება მაიკალ მაკფოლი, აშშ-ის პრეზიდენტის თანაშემწე და უსაფრთხოების საბჭოს დირექტორი რუსეთისა და ევრაზიის საკითხებში.
დემოკრატიულ სახელმწიფოთა თანამეგობრობის (Community of Democracies) ფორუმი მოისმენს საგანგებო მოხსენებას მონგოლეთის პრეზიდენტის ცასიაგიინ ელბეგდორჯის, რომელიც 2011-2013 წლებში სახელმწიფოთა თანამეგობრობის ფორუმის თავმჯდომარის პოსტს დაიკავებს.
საქართველოს პარლამენტის თავმჯდომარეს, დავით ბაქრაძეს ვაშინგტონში ვიზიტისას შეხვედრები ექნება სენატორებთან და კონგრესმენებთან, ადმინისტრაციის წარმომადგენლებთან, ასევე არასამთავრობო ორგანიზაციებთან. დაგეგმილია დავით ბაქრაძის საჯარო გამოსვლა სამეცნიერო წრეების წარმომადგენლებთან შეხვედრის ფარგლებში.
19 სექტემბერს, საქართველოს პარლამენტის თავმჯდომარე ნიუ-იორკში გაემგზავრება და შეხვედრებს გამართავს ინვესტორებთან და მონაწილეობას მიიღებს გაეროს ეგიდით დაგეგმილ სახელმწიფოებისა და მთავრობის მეთაურების მაღალი დონის შეხვედრაზე, სადაც ათასწლეულის განვითარების ამოცანები იქნება განხილული. 21 სექტემბერს კი დავით ბაქრაძე დაესწრება საპარლამენტთაშორისო კავშირის(IPU) სამიტს, სახელწოდებით "ათასწლეულის განვითარების ამოცანების, პოლიტიკის და გეგმების საპარლამენტო მხარდაჭერის მობილიზაცია."




konfliqtebi

ყველა სიახლის ნახვა...

sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.9%
შემცირდა 12.1%
არ შეცვლილა 3%